رحلت..
مودعٍ أهلي وخلاني
خذاني الدمع في ليلة فراق
ولا أدري وين ودّاني..؟؟!!
بعد ماللزمن
وقفة على جرحي وأهداني..
طعون من الغدر صابت
وصابت
قلبي العاني..!!
صرخت ودمعة عيوني
تردد يا زمن تكفى
أبي أسأل.؟!
ولا تقسى..
أنا و إلا أنت
من فينا هو الجاني..؟؟؟!!
جزايه يا زمن..
صدمة..
ودمعة..
وطعنه الغادر..
تجرّح ليل أحزاني..؟؟؟!!
.
.
.
هنا..بروحي
جلست أبكي
جلست أشكي
وأقضي ليالي غربتي..
لاحدٍ يكفكف دمعتي..
ولاحدٍ يجاوب صرختي…!!!
تاااايه… وحيــــــــــد..
أبث حزني لوسادتي..
يمكن.. تنسيني الألم..!!
وإلاّ تخفف عبرتي..!!
أناجي نجوم السما..
في ليلة.. ياخذني الوهم..
لدنيا.. يملاها الهنا..
دنيا فرح..
دنيا تنسيني الحزن..
لكن..!!
ترى هذا حلم
أرجع أقول هذا الألم..
اهو رفيقي للأبد..!!
.
.
.
صحيح يا زمن برحل..!!
ولكن قبل ما أرحل..
أبنحت قصة أحزاني
وأبختمها بميعادي
أبكتب يازمن
راجع..أنا راجع
أبرجع للديار اللي بها
أهلي وخلاني..
أبرجع لو طالت الغربة..
ولو إن الشوق بكاني..
وإذا أبرجع مع أشواقي..
بنادي بصوتي الحاني..
أنا راجــــــــع.. يا أحبــابـــــــي..
الإثنين يونيو 29, 2009 10:24 am